THE latest community news from Llanfarian

Merched y Wawr

Ystafell gefn y neuadd yn ddiddos oedd yn croesawu’r aelodau fel arfer, a’r llywydd Beti Wyn yn estyn croeso twymgalon i Eirlys Morgan wedi’i cholled pan fu farw Stanley yn ddiweddar .

Ar ddechrau mis Tachwedd a’r gaeaf tywyll ac oer ar ein gwarthaf, beth yn well na chwis bach ysgafn.

A dyna‘n union beth oedd Anne a Beti Wyn wedi’i baratoi – cwestiynau amrywiol o’r syml i’r cymleth.

Ambell gwestiwn yn gofyn i am archwilio cuddfannu y cof am yr ateb.

Hwyl yn wir a phob un yn teimlo yn gysurus ar ddiwedd y noson .

Mair gynigodd y gwerthfawrogiad i’r ddwy.

Mair hefyd a Nesta estynnodd gwpaned i dorri syched.

Cyfle i dynnu rhifau lwcus y raffl a’u hestyn i Valmair a Marian.

Roedd hi’n noson gwerthiant pen bwrdd a’r nwyddau yn mynd a dod yn go sydyn i lenwi tipyn ar y coffrau o dan ofal y trysorydd gofalus Cath.

If you’re a member of a club, society or group, send your news to [email protected]