THE latest community news from Penrhyndeudraeth

Merched y Wawr

ELENI, dymuniad y llywydd cenedlaethol, Meirwen Lloyd, oedd i’r canghennau wario ychydig o amser yn casglu sbwriel yn eu pentrefi.

Tasg hawdd meddwn wrth fy hun, wedi’r cwbl mae glanhau a thwtio yn rhan annatod o gadw t? i bob dynes.

Penodwyd prynhawn Sadwrn ganol mis Mawrth i ni ddechrau ar y gwaith gan gyfarfod am 2yp yr ochr draw i’r pympiau petrol yn garej Alan Green yma yn y Penrhyn.

Roedd Meryl, merch Gwen Roberts, llywydd Cangen Deudraeth am oruchwylio’r gwaith, person addas iawn tybiwn gyda’i phrofiad o gasglu sbwriel efo criw Gwerin y Coed. T

ua chanllath yn unig oedd angen ei glirio felly dyma roi’r menyg rwber, gafael yn y ‘grabbers’, estyn y bagiau sbwriel a gwisgo’r siacedi melyn iechyd a diogelwch.

Credwn y buasem tua rhyw hanner awr fach cyn ei throi hi am adra i gael paned o de – anghywir!

Cymerodd dros ddwy awr i ni glirio’r canllath o dir o amgylch y garej.

Wel, sôn am agoriad llygad! Roeddem i gyd wedi dychryn ar weld saith bag yn llawn o ganiau a photeli cwrw gwag, caniau coke a lemonêd, heb sôn am focsys bwyd a phacedi crisps gwag.

Ond yn goron ar y cwbl oedd y bag plastig yn llawn efo chwech ‘nappy’ budr ynddo.

A hynna ond o fewn canllath o dir yn unig.

Y wers yw – cofiwch fynd a’ch sbwriel adra hefo chi.

Table top sale

A TABLE top sale will be held in the church hall of the Holy Trinity Church on Saturday, 6 April, from 10am.

If you’re a member of a club, society or group, send your news to [email protected]