THE latest community news from Rhydyfelin
Cymdeithas Ddiwylliannol yr Hebog
LOWRI Jones, Mererid Jones ac Efan Williams leisiodd farn ar bynciau amrywiol yn y seiat holi yn festri Gosen ar 8 Ionawr.
Detholwyd y cwestiynau ac arweiniwyd y drafodaeth yn fedrus gan Dafydd Morris.
Clywodd aelodau’r gynulleidfa am afocado, Connemara a that?s wrth wrando ar draethu ffraeth a llithrig y panelwyr.
Camwyd i fyd gwaith cyflogedig y siaradwyr a chyfeiriwyd at ddylanwad y cartref a’r gymuned ar benderfyniadau ers yr arddegau.
Trwy gyfrwng sylwadau a safbwyntiau ar destunau fel datblygu stadau o dai, cyflwynwyd cipluniau i’r gwrandawyr o fywyd heddiw yn Llannon, Lledrod a Phontsian.
Yr hyn a bwysleisiwyd yn gyson gan y triawd oedd pwysigrwydd y diwylliant cynhenid, y teimlad o berthyn i fro a chyfrannu i weithgareddau ardal.
Daliadau gobeithiol fynegwyd gan y panelwyr er yn cydnabod y newidiadau dirfawr yng nghefn gwlad Ceredigion.
Ystyriwyd hefyd y gofynion o gynnal yr Eisteddfod Genedlaethol yn ardal Tregaron a’r weledigaeth o leoli’r ?yl ym Mae Caerdydd llynedd.
Brwd oedd ymateb y siaradwyr i gwestiynau am ffordd o fyw cigwrthodwyr a dyfodol papurau bro yn ogystal â phapurau newydd dyddiol yn yr oes ddigidol.
Talwyd y diolchiadau gan Beti Wyn Emanuel, cadeirydd y gymdeithas.
Wedi’r holi a stilio, cafwyd cyfle i sgwrsio a hefyd brofi’r arlwy helaeth.
If you’re a member of a club, society or group, send your news to [email protected]