THE latest community news from Talgarreg

Capel y Fadfa

BYDD yr oedfa ddydd Sul am 10.30yb gyda’n gweinidog, y Parch Wyn Thomas yn gwasanaethu.

Ysgol Gynradd

NOS Fercher ddiwethaf cynhaliwyd Taith Gerdded Noddedig o gartref Sarnicol i gartref Dewi Emrys yn y pentref, taith o ryw dair milltir.

Roedd pawb wedi cwrdd ar sgwâr Alltmaen am 5yh i ddechrau cerdded.

Ar ddiwedd y daith bu croeso i bawb archebu swper yn Glanyrafon.

Bydd yr holl arian a godwyd yn mynd tuag at brynu Padiau I Dot newydd i blant yr ysgol leol.

Taith Gerdded

DDYDD Sul bu rhai o aelodau capeli’r Smotyn Du yn cymryd rhan yn eu taith gerdded noddedig flynyddol.

Roedd y daith eleni yn dechrau yng Nghapel y Fadfa ac yn gorffen yng Nghapel Llwynrhydowen. Taith o ychydig dros dair milltir.

Gwnaeth y cerdded ddechrau am 1.30yp a bydd yr arian a godir yn mynd tuag at hyrwyddo priodas gyfartal a gwaith yr elusen MIND Cymru.

Hyfryd oedd gweld criw lluosog yn cerdded ag arian sylweddol yn cael ei godi.

Rhaid cydnabod yn ddiolchgar y ceir oedd yn cyrchu dwr ar gyfer y cerddwyr a diolch arbennig i’r merched a oedd wedi paratoi’r te ar gyfer y cerddwr yn Festri Llwyn ar ddiwedd y daith.

If you’re a member of a club, society or group, send your news to [email protected]