Cynhaliwyd Gwyl Gorawl Emlyn ar ddydd Sul, 19 Mehefin. Cafwyd gwyl arbennig yn Eglwys y Drindod, Castell Newydd Emlyn a da oedd gweld cymaint yn bresennol. Cafwyd gwasanaeth o’r Cymun yn y bore gyda’r Parch Viv Sayer yn pregethu â’r plant yn mynd allan ac yn dysgu am y Mab Afradlon ac yn gwneud gweithgareddau yn y neuadd. Yn yr hwyr roedd y Canu Cynulleidfaol dan arweiniad Delyth Rees a chafwyd canu da ynghyd â Chôr Ysgol Penboyr. Diolch i bawb am gefnogi’r wyl eleni eto.