THE latest community news from Ciliau Aeron

Eisteddfod

CYNHALIWYD Eisteddfod Fawreddog Ciliau Aeron ar nos Wener, 3 Tachwedd.

Llywydd y noson oedd Marie Jones, Tanybryn, Aberarth, a’r beirniaid oedd Carol Davies, Henllan (cerdd) ac Owenna Davies, Ffostrasol (llefaru a llenyddiaeth).

Arweinwyr y noson oedd Betty Davies a John Jones, a’r gyfeilyddes oedd Eirian Jones, Cwmann.

Cafwyd noson hwyliog o gystadlu, ac enillydd Tlws yr Ifanc (dan 25 oed) am ddarn o ryddiaith oedd Sioned Medi Howells o fferm Pantglas, New Inn, Pencader.

Fel rhan o’r eisteddfod, cynhaliwyd cystadlaethau cerdd, llefaru, llawysgrifen ac arlunio i blant Ysgol Ciliau Parc ar 10 Tachwedd. Cafwyd cystadlu brwd a graenus gan bawb.

Diolch i’r plant, y rhieni a’r athrawon am eu cefnogaeth, eu brwdfrydedd a’u hymroddiad.

If you’re a member of a club, society or group, send your news to [email protected]