THE latest community news from Llanfarian

Merched y Wawr

SAUDI Arabia, enw dieithr, gwlad ddieithr i bob un ohonom ni.

Ond i Diane Smith mae’n wlad gyfarwydd oherwydd iddi fyw yn Saudi Arabia am 11 blwyddyn.

Bu Diane yn byw a gweithio i rai o deulu brenhinol y wlad.

Dysgu a gofalu am y plant oedd ei dyletswydd yno ac yn cael ei derbyn fel un o’r teulu.

Roedd ei lluniau yn dweud y cwbwl am gyfoeth a moethusrwydd eu ffordd o fyw.

Mwslemiaid oeddynt a dilyn y Koran yn bwysig bob dydd.

Gwelsom rai o’u dillad arbennig ar gyfer priodas, dawnsio, addoli yn y Mosg neu gwrdd ag aelod o’r teulu brenhinol. Pob dilledyn wedi ei oreuro âg aur neu arian pur.

O’r bwrdd llwythog dewisodd Diane rai trysorau o’u ffordd o fyw foethus sydd mor ddieithr i ni.

Derbyniodd Diane bob parch a chariad yn eu plith ac mae ganddi lond côl o atgofion melys o’i blynyddoedd yno.

Pleser i Jean oedd cael diolch i Diane am rannu‘r atgofion â ni.

Cyn troi am adre i Ben y cae, Llanarth tasg fach bleserus arall iddi oedd beirniadu ein tusw fechan o flodau sych.

Dyfarnodd hi mai un Margaret oedd y gorau, Anne yn ail a Nesta yn drydydd.

Gwobrau raffl i Cath, Luned, Dora a Margaret.

Paned o law Valmair a Mary i gloi noson tu hwnt o ddifyr.

If you’re a member of a club, society or group, send your news to [email protected]