THE latest community news from Llanybydder

Eglwys San Pedr

CYNHALIWYD Gwasanaeth Diolchgarwch ar nos Fercher, 26 Medi, o dan arweiniad y Deon Ardal Canon Philip Wyn Davies, Tregaron (ef sydd â gofal Gweinyddol am Eglwys Llanybydder ar hyn o bryd a’r Parch Bill Fillery sydd â gofal bugeiliol).

Soniodd am y pwysigrwydd o ddatgan diolch i’r rai hynny sy’n ein helpu ac am yr hyn sydd gennym.

Cyfeiriodd at hanes yr Iesu’n gwella’r 10 gwahanglwyfus; dim ond un a ddychwelodd a dweud diolch.

Mae dweud diolch yn dangos gwerthfawrogiad ac yn cyfoethogi bywyd yr un sy’n rhoi ac yn derbyn.

Mwynhewyd cymdeithas bellach ar ôl y gwasanaeth; paratowyd byrbryd o dan gyfarwyddyd warden yr eglwys, Susan Evans.

Casglwyd bwyd ar gyfer Banc Bwyd Llanbedr Pont Steffan.

Taith gerdded

DIOLCH i bawb sydd wedi noddi’r taith gerdded.

Casglwyd (cyn belled) £1,350 at goffrau’r eglwys.

Diolchwyd i Heather Jones am gasglu £1,030.

Dydd Sul y Cofio

GOBEITHIR trefnu gwasanaeth yn yr eglwys ar Ddydd Sul y Cofio, 11 Tachwedd, am 10am gan fod 2018 yn nodi terfyn y Rhyfel Byd Cyntaf.

If you’re a member of a club, society or group, send your news to [email protected]