THE latest community news from Nefyn

Merched y Wawr

I DDIWEDDU’R tymor gwnaeth aelodau Merched y Wawr Nefyn ymweld â chanolfan Ambiwlans Awyr Cymru ym maes Awyr Caernarfon.

Ar ôl cyfarfod am ginio yn y caffi a redir er budd yr Ambiwlans Awyr, fe’n croesawyd gan Eryl Jones, y cydlynydd lleol.

Gwnaeth y criw oedd ar ddyletswydd ar y diwrnod ein cyfarfod ar y llain glanio i roi dipyn o hanes eu gwaith inni a dangos yr hofrennydd diweddaraf sydd ganddynt.

Yr oedd pawb wedi synnu gweld yr holl gyfarpar sydd ar yr hofrennydd â phopeth wedi ei drefnu i ffitio’n berffaith.

Cawsom sgwrs gan Eryl wedyn am waith yr elusen yn gyffredinol.

Yr oedd pawb yn cytuno ein bod wedi cael prynhawn difyr a diddorol iawn.

Bydd y tymor yn ail-ddechrau ar ôl yr haf am 7yh nos Wener, 14 Medi, yng Ngwesty Nanhoron a’r ail nos Wener o bob mis wedi hynny.

Croeso i aelodau newydd i ymuno.

If you’re a member of a club, society or group, send your news to [email protected]