THE latest community news from Pwllheli

Capel y Drindod

GWENER, 7 Chwefror: 10yb, Cyfarfod Gweddi Undebol; 7yh, Cymdeithas Ddiwylliannol.

Sul, 9 Chwefror: 10yb, Stephen Roe; Ysgolion Sul fel arfer; 5yh, Alun Thomas.

Llun, 10 Chwefror: 2yp, Aelwyd y Chwiorydd; 6yh, Clwb y Plant; 7.30yh, Cyfarfod Gweddi neu Seiat yr Ofalaeth.

Mawrth, 11 Chwefror: 7yh, Y Sied.

Mercher, 12 Chwefror: 7yh, Clwb Ieuenctid.

Aelwyd Chwiorydd Capel y Drindod

DDYDD Llun, 13 Ionawr cynhaliwyd cyfarfod o Aelwyd y Prynhawn.

Llywydd oedd Elsie Hughes a hi hefyd gymerodd y gwasanaeth dechreuol.

Cydymdeimlwyd ag Iola Jones a Jean Williams.

Gwnaeth Morfydd Roberts ddarllen llythyr o ddiolch oddi wrth yr Eglwys a’r gofalwyr; a phenderfynwyd rhoi’r drydedd wobr i’r Côr Merched yn yr Eisteddfod Genedlaethol.

Yna croesawyd g?r gwadd y sesiwn, Griff T Owen a chafwyd prynhawn hwyliog yn ei gwmni.

Nos Fawrth, 21 Ionawr cynhaliwyd cyfarfod o Aelwyd yr Hwyr.

Llywydd oedd Eirlys Jones a hi hefyd gymerodd y gwasanaeth dechreuol.

Derbyniwyd ymddiheuriad gan Eleri Mai Roberts a chydymdeimlwyd â’r Parch Ann Jenkins.

Darllenwyd llythyrau o ddiolch oddi wrth yr Eglwys a’r gofalwyr.

Yna rhoddwyd y noson yng ngofal y g?r gwadd, sef John Glyn Jones (yr Oakley) a chafwyd noson ddifyr a diddorol yn ei gwmni.

Clwb y Bont

HANES papurnewydd Y Cymro, y bu’n gweithio iddo, a gafwyd gan William H Owen, Bangor.

Yn fisolyn a ymddangosodd gyntaf yn Llundain yn 1830, aeth y papur drwy lawer ymgorfforiad gan symud o Gymru i Loegr ac yn ôl droeon, nes sefydlogi ym 1932 dan olygyddiaeth John Eilian a Percy Ogwen.

Ym 1939 daeth John Roberts Williams yn olygydd, dyma yn oedd yr oes aur, gyda cylchfediad o 26,000.

Yn ogystal ag atyniadau poblogaidd megis ‘Pwy yw’r Berta’ a ‘Ble mae’r Bél’, ‘Clwb Plant y Cymro’ a ddenodd gannoedd o blant i gyfansoddi am y to cyntaf.

Er mawr golled daeth i ben ym 2017.

Mae Cymro misol wedi ymddangos yn ddiweddar.

If you’re a member of a club, society or group, send your news to [email protected]