THE latest community news from Talgarreg

Capel y Fadfa

CYNHALIWYD Gwasanaeth Undebol yn Hen Gapel Llwynrhydowen am 2yp ddydd Sul diwethaf yng nghwmni y gweinidog, y Parch Wyn Thomas.

Mae’r oedfa hon wedi dod yn un flynyddol, gyda mefus a hufen yn cael ei weini a chroeso i bawb i’r capel hanesyddol hwn. Ni chafodd neb eu siomi’r Sul diwethaf gyda’r oedfa arbennig, yng nghwmni chwech o blant bach oedd wedi dod i fod yn rhan o’r gwasanaeth.

Cynhelir y gwasanaeth nesaf ym Mwlch y Fadfa ddydd Sul am 3yp gyda’r Parch Wyn Thomas yn gwasanaethu, croeso i bawb.

Gwyl y Pentref

CYNHELIR Gwyl y Pentref ar nos Wener, 29 Mehefin gyda Helfa Drysor ar droed a’r Carnifal ar y dydd Sadwrn. Llywyddion eleni fydd Mr a Mrs Jones, Fferm Rhydowen Fach. Thema’r fflôt fydd ‘Yr Ysgol’. Yn dilyn y Carnifal a’r Mabolgampau bydd Ras Sïon Cwilt a Rownderi a’r BBQ yn dilyn y Ras Fawr. Dewch yn llu am benwythnos o hwyl a sbri.

Cylch Meithrin a Ti a Fi

MAE’R Cylch yn rhan o’r prosiect ‘Bag 2 School’ lle mae cyfle i bobl yr ardal ddod â bagiau o hen ddillad, esgidiau, teganau meddal, bagiau a hetiau, llenni, dillad gwely, tywelion ayyb i’r Neuadd Goffa, ddydd Mercher: 12.30-3yp; dydd Iau: 1.30-3yp; a dydd Gwener: 9.30-11.30yb.

Rhaid i bob dim fod o ansawdd da ac wedi’u golchi’n lân. Os nad yw’r amserau yn siwtio, cysylltwch â Teleri Morris Jones i wneud trefniadau i gasglu eich bagiau.

Bydd y ddau fudiad yma yn elwa’n sylweddol, felly ewch i chwilio, mae pob ceiniog yn cyfri. Diolch ymlaen llaw am bob cefnogaeth.

If you’re a member of a club, society or group, send your news to [email protected]