THE latest community news from Talgarreg

Capel y Fadfa

NOS Sul ddiwethaf cynhaliwyd gwasanaeth a pharti Nadolig yr Ysgol Sul yn y Festri.

Er gwaethaf y tywydd gwlyb, cafwyd gwasanaeth arbennig, te parti ac ymweliad gan Siôn Corn.

Cynhelir yr oedfa nesaf ar ddydd Sul, 13 Ionawr am 3yp gyda’n gweinidog yn rhannu’r cymun am y tro cyntaf yn y flwyddyn newydd.

Croeso i aelodau a ffrindiau’r achos i ymuno yn yr oedfa.

Gwasanaeth Carolau

CYNHALIWYD noson carolau ar nos Fawrth cyn y Nadolig, gyda’r casgliad tuag at Beiciau Gwaed Cymru.

Cafwyd sgwrs gan Graham Jones am waith yr elusen yn ystod y noson a chodwyd £240.

Diolchwyd i Arthur Charles am ddod â beic i’w arddangos, hefyd i Cathy Campion ac Angela Jones o’r elusen.

Gwasanaethau

AR y Sul olaf o’r flwyddyn cynhelir Oedfa Undebol yng Nghapel y Bryn am 10.30yb yng nghwmni y gweinidog, y Parch Wyn Thomas.

Croeso i bawb.

If you’re a member of a club, society or group, send your news to [email protected]