THE latest community news from Talgarreg

Capel y Fadfa

CYNHALIWYD oedfa undebol ar fore Sul olaf y flwyddyn yng nghwmni ein gweinidog, y Parch Wyn Thomas.

Cafwyd neges amserol a dymunodd yn dda i Tania Rees ar dderbyn gradd meistri.

Wrth yr organ oedd Enfys Llwyd.

Dymunwyd yn dda i’r Parch Wyn Thomas ar ei briodas â Matthew, drwy gynnig llwnc testun i’r ddau, wrth i bawb gael gwydred o sieri a mins pei.

Bydd yr oedfa ddydd Sul am 3yp.

Cylch Meithrin a Ti a Fi

AR ddechrau Rhagfyr cynhaliwyd noson caws a gwin ac ocsiwn yn Nhafarn Glanyrafon.

Cafwyd noson yn llawn hwyl, gan godi £2,202.50 tuag at y Cylch Meithrin a Ti a Fi.

Yn Nhafarn Glanyrafon ar 8 Rhagfyr, cyflwynodd Hefin a Megan arian i’r gwahanol elusennau, a rhoddwyd £500 i’r Cylch Meithrin a Ti a Fi.

Diolch am eu haelioni.

Cafwyd croeso cynnes gyda Hefin a Megan yn Nhafarn Glanyrafon ar 15 Rhagfyr pan gynhaliwyd y parti Nadolig a daeth Siôn Corn i ymweld â’r plant.

Ar 20 Rhagfyr aethpwyd i weld Siôn Corn yn Rheilffordd Henllan.

Mwynhaodd pawb y daith ar y trên a chafodd y plant anrheg gan Siôn Corn.

Ar ddiwedd y tymor cynhaliwyd cyngerdd Nadolig y Cylch Meithrin yn Neuadd Talgarreg a braf oedd gweld y plant ar y llwyfan.

Diolch i Miss Mair, Miss Carol a Miss Wendy am eu gwaith. Cafwyd te parti i ddilyn.

Enillwyr Clwb 100, Tachwedd: 1, Jac Rees, Cwrtnewydd; 2, Gwen Thomas, Maestir; 3, Rhun a Non, Talgarreg. Rhagfyr: 1, Millie, Jayden a Caleb, Talgarreg; 2, Teulu Evans, Gorsgoch; 3, Osian a Dyfan, Talgarreg.

Oedfa Nadolig

CYNHALIWYD Oedfa Nadolig cymunedol yn y Neuadd Goffa ar fore’r Nadolig.

Daeth tyrfa dda ynghyd a gwnaethpwyd casgliad o £126 tuag at Cymorth Gristnogol.

Gwasanaeth Carolau

CAFWYD gwasanaeth carolau am 9yh Noswyl y Nadolig yn Hen Gapel, Llwynrhydowen.

Hyfryd oedd gweld cymaint wedi troi allan i’r noson arbennig hon, digwyddiad sy’n tyfu yn flynyddol.­

Cwn Hela

AR fore Calan, daeth yr helfa ar ymweliad â’r pentref ar wahoddiad Hefin a Megan, Glanyrafon. Braf oedd gweld tyrfa luosog wedi dod ynghyd i gadw’r hen draddodiad hyn i fynd.

Halen y Ddaear

DAETH Alwyn Humphreys o raglen Prynhawn Da ar ymweliad ag Ysgol Talgarreg, i anrhegu Meinir Jones a fu’n dysgu yn yr Ysgol Gynradd leol ers dros 34 o flynyddoedd.

Hyfryd oedd gweld cynulleidfa luosog wedi dod ynghyd a dymunir yn dda i Mrs Jones ar ei hymddeoliad.

If you’re a member of a club, society or group, send your news to [email protected]