ROEDD llwyddiant i nifer o raglenni S4C yn noson wobrwyo BAFTA Cymru neithiwr.
Bethan Rhys Roberts oedd enillydd Gwobr Sian Phillips eleni am ei chyfraniad arbennig i fyd darlledu, a chipiodd Bethan hefyd y wobr am y Cyflwynydd Gorau am ei gwaith yn cyflwyno Etholiad 2024.
Wrth dderbyn y wobr diolchodd Bethan i’r tîm yn BBC Cymru oedd yn cynhyrchu’r rhaglen Etholiad 2024 a gwasanaeth Newyddion S4C.
Ymhlith yr enillwyr eraill nos Sul oedd y rhaglen Marw Gyda Kris (Ffilmiau Twm Twm) yn y categori Cyfres Ffeithiol.
Derbyniodd S4C bob enwebiad yn y categori Rhaglen Blant gyda Deian a Loli (Cwmni Da) yn dod i’r brig y tro hwn.
Meddai Llion Iwan, Prif Swyddog Cynnwys S4C: “Roedd gwylio’r holl enwebiadau heno yn atgoffa ni eto o gryfder y sector gynhyrchu yng Nghymru a pob clod i bawb oedd yn gyfrifol amdanynt.
“Hoffwn ddiolch o galon i’r enillwyr gynhyrchodd gynnwys S4C gydag ystod eang o genres a straeon gwreiddiol.”
Owain Wyn Evans oedd yn arwain y noson eleni yng Nghanolfan Gynadledda Ryngwladol Cymru (yr ICC) yng Nghasnewydd oedd yn gyfle i ddathlu talent ar draws ffilm a theledu yng Nghymru.
Mae'r holl raglenni gafodd eu henwebu ar gyfer gwobr BAFTA i'w gweld ar S4C Clic.






Comments
We've recently changed our login process. If you have an account for commenting, you will need to re-register on the login window.
This article has no comments yet. Be the first to leave a comment.