THE latest community news from Llanfarian

Merched y Wawr

GANOL mis Medi yn Sioe Llanfarian roedd Merched y Wawr wedi arlwyo bwrdd llawn danteithion.

Mae’r sioe yn flynyddol yn clymu’r ardal at ei gilydd a thema‘r Merched yn gyfraniad canolog gwerthfawr i’r diwrnod.

Cododd y gangen hwyl unwaith yn rhagor ar drothwy Hydref arall.

Treuliodd rhai o’r aelodau noson gynnes a chroesawgar yng nghwmni cangen Mynach.

Noson ddelfrydol i agor tymor ffres a newydd.

John Jones fu’n llywio’r cwis yn hwyliog fel arfer.

Nôl gartre i Neuadd Llanfarian trannoeth a chroeso Beti Wyn yr un mor gynnes, Anne M Davies a hithau wedi paratoi rhaglen swmpus ar ein cyfer.

Taflu golwg yn ôl dros ysgwydd yr Haf y Dathlu, Eisteddfod Môn, rhaglennu teledu a radio.

Cafwyd llawer o sgwrsio brwd a chyfle i wyntyllu barn. Dros ein bwrdd swper tynnwyd gwobrau‘r raffl a’u rhannu i Mary, Mair Griffiths, Eluned a Iona.

If you’re a member of a club, society or group, send your news to [email protected]