THE latest community news from Dolgellau

Santes Dwynwen

Cafwyd noson i ddathlu Santes Dwynwen yn Nhy Siamas nos Sadwrn, dan arweiniad profiadol a hwyliog Mair Tomos Ifans (gweler y llun ar y dde).

Canwyd sawl alaw werin draddodiadol yn ymwneud â serch, megis Ar Lan y Môr ac Ym Mhontypridd, a chafwyd dehongliad o gefndir rhai o’r caneuon.

Cafwyd ambell i gân fwy diweddar yn ogystal, fel Lleucu Llwyd ac Elen.

Noson gartrefol, a chyfle i gyd ganu rhai o ganeuon mwyaf adnabyddus Cymru!

Cymdeithas Hanes Teuluoedd

Bydd Cangen Meirion o Gymdeithas Hanes Teuluoedd Gwynedd yn cyfarfod yn y Llyfrgell Rydd, nos Iau, 8 Chwefror am 7yh.

Y siaradwr fydd Gareth Neigwl Williams a’i bwnc fydd ‘Llanddwywe a Llety’r Wyn’.

Croeso i aelodau hen a newydd.

Am fwy o fanylion cysylltwch â 01766 540311.

If you’re a member of a club, society or group, send your news to [email protected]