Daeth nifer fawr o aelodau Cylch Cinio Aberystwyth ynghyd ar nos Wener, 10 Mawrth i ddathlu Gŵyl Ddewi yn Clwb Pêl-droed Penrhyncoch.

Ein gŵr gwadd oedd y Prifardd Dr Hywel Griffiths.

Trefnwyd pum cystadleuaeth ymlaen llaw gyda y testynnau limrig, brawddeg, llinell neu gwpled caeth, triban a pennill telyn.

Y buddugwyr oedd yr Athro Geraint Vaughan (limrig), Wynne Melville Jones (brawddeg) a Hywel Wyn Jones yn ennill y gweddill.

Aeth y prif wobr ar y noson, sef tocyn i Baravin, i Hywel Wyn Jones ar y testyn Triban sef:

Cafwyd noson hwyliog dros ben gan fwynhau pryd o fwyd blasus. Diolch yn fawr i staff y clwb pêl-droed.

Braf deall mae Siop Elusen Sense yn Aberystwyth oedd yn fuddugol yn y gystadleuaeth addurno ffenest siop ar gyfer Gŵyl Ddewi a felly yn deilwng o Darian Cylch Cinio.

Roedd yn braf gweld nifer wedi cymryd rhan yn y gystadleuaeth y tro hwn.

Diolch i bwyllgor y parêd am drefnu Parêd llwyddiannus unwaith eto.

Talwyd y diolchiadau gan Dewi Hughes ac ennillydd y raffl oedd Malcolm Davies.

Byddwn yn cwrdd yn Clwb Golff Aberystwyth mis nesaf. Os am ymuno a criw cyfeillgar Cylch Cinio cysylltwch â Huw Williams, ysgrifennydd y cylch ar huw_williams1­@btinternet.com am rhagor o fanylion.

Ydych chi'n aelod o grŵp yn eich cymuned? Oes gennych newyddion, lluniau a fideos i'w rhannu? Anfonwch nhw i [email protected]