Merched y Wawr

YN ein cyfarfod ar ddechrau mis Tachwedd dechreuwyd drwy gyd-ganu cân a geiriau gwladgarol Jacob Davies. Rydym yn cyfarwyddo â’r ail a’r trydydd pennill yn eu tro.

‘Pethau Olyv’ oedd testun y noson – tipyn o ddirgelwch.

Chawsom ni mo’n siomi. Dwy nyrs yw Olive ac Yvonne a’r ddwy wedi dechrau busnes gyda’i gilydd wedi ymddeol o waith nyrsio.

Siop ar glud sy’n ganddyn nhw.

Yn ein disgwyl o gylch yr ystafell roedd arddangosfa liwgar a deniadol o ategolion moethus.

Maent yn arddangos a gwerthu mewn sioe, ffair a marchnad, â’r busnes yn cynyddu ers tair blynedd.

Wedi’r cyflwyniad a’u hanes llawn hiwmor iachus – cawsom gyfle i grwydro ac edmygu ac i bwrcasu ambell eitem o blith y dewis helaeth.

Roedd hon yn noson wahanol a llawen â’r geiriau o ddiolchgarwch yn dod yn hawdd i Brenda.

Paratowyd cwpaned boeth gan Margaret Morgan a Jean. Olive ac Yvonne oedd beirniaid y gystadleuaeth.

Y testun y tro hwn oedd ‘darn o sebon anarferol’.

Mair Jones gipiodd y wobr gyntaf, Brenda yn ail a Mary Parry yn drydydd.

Aeth gwobrau’r raffl i Joyce, Olive ac Eirlys.